За Проектот
„Платформа за обука за работа со е-влада“ (PEWe-GOV)
Проектот PEWe-GOV има за цел да ги подобри техничките вештини на возрасните, главно ангажирани во културниот и креативниот сектор, за работа со електронските услуги обезбедени од локалните власти, државната администрација и други институции. Целта на овој проект е да се овозможи еднаков пристап до електронските услуги и ресурси. Проектот ќе развие веб-базирана платформа, видео упатства и прирачници со упатства за работа со различни е-услуги, кои имаат за цел чекор-по-чекор на пристапен начин да им помогнат на сите да имаат корист од различните е-услуги на локалната и државната администрација. Така луѓето ќе заштедат непотребни посети на институции, чекање во редици, губење време поради издавање на разни документи. Покрај тоа, зголемувањето на техничките вештини ќе придонесе за поголема самодоверба, помалку стрес, што ќе ги подобри можностите за вработување на луѓето и ќе помогне да се создаде порелаксирана и поефикасна работна средина. Проектот се занимава со проблемите на недостигот на дигитални вештини и неусогласеноста на сложеноста на работата со е-услугите со расположивите вештини на целните групи и предлага алатки и решенија за решавање на овие проблеми. Активниот начин на живот, брзиот технолошки развој, единствениот пазар и глобализацијата бараат континуиран развој и дополнување на личните знаења и вештини. На динамичниот пазар на трудот, работните луѓе треба да поседуваат збир на знаења, вештини и навики за да можат да се реализираат на пазарот на трудот, да се прилагодат, мотивираат и усовршуваат на работното место и успешно да управуваат со своите кариери. Со овој проект, трите партнери имаат за цел да ја мотивираат целната група преку обезбедување на корисни информативни ресурси кои ќе се користат во процесот на нивната секојдневна работа. Тековниот проект има амбиција да обезбеди веб-платформа која содржи општи детални информации за процесот на работа со секоја е-услуга понудена од локалната, државната или друга институција.
Период на реализација и број на проект: 01/03/2021 – 28/02/2023 – 2020-1-BG01-KA227-ADU-095128
Програма Еразмус +:
Партнерска соработка во областа на образованието на возраснитеи
Целни групи:
Возрасни вклучени во културниот и креативниот сектор и други засегнати страни
Цел на проектот
Главната цел на проектот PEWe-GOV е да им помогне на целните групи – возрасни, а особено на лицата вклучени во културниот и креативниот сектор да се движат низ огромниот свет на електронски услуги обезбедени од различни локални и државни органи и институции. Во последните години се повеќе институции почнаа да ги обезбедуваат сите или дел од своите услуги по електронски пат. Ова е исклучително позитивен факт што го олеснува еднаков пристап до информации и услуги и истовремено ја зголемува транспарентноста. Главните пречки за развој, усовршување и пред сè за користење на овој вид услуги се недостатокот на доволно информации за нив, како и во повеќето случаи, недостатокот на вештини и компетенции. Потребата за користење на овие услуги е многукратно зголемена во последните години кога целиот свет се соочи со проблемот наречен КОВИД-19. Токму во тој контекст се роди идејата за нашиот проект. Со спроведувањето на активностите, целните групи ќе се стекнат со потребните знаења, вештини и компетенции, како и алатка преку која ќе можат полесно да имаат корист од електронските услуги на различните институции. Преку веб-платформата развиена во рамките на проектот, корисниците ќе добијат вистинска идеја за тоа каде, кои електронски услуги може да се користат, како да пристапат до нив, какви информации или технички алатки ќе им бидат потребни за успешно да ја завршат поставената цел. Последно, но не и најмалку важно, во кратките видео упатства што ќе бидат поставени на платформата, луѓето ќе можат чекор по чекор да видат што и како да прават за да го користат соодветниот ресурс или да го добијат потребниот документ. На овој начин целните групи на проектот, без разлика каде се наоѓаат, ќе добијат еднаков пристап и поддршка за работа со електронските услуги на различни институции, како што се: Управата за јавни приходи, Фондот за здравствено и пензиско осигурување, Државен завод за статистика итн.; тие ќе разберат што е тоа и како да користат електронски потпис, како да пополнат даночна пријава и други основни услуги достапни по електронски пат и неопходни за пристап до специјализирани ресурси од областа на културниот и креативниот сектор.
Резултати: Во рамките на проектот PEWe-GOV, се предвидени четири главни резултати (P):
Р1 – E-learning Hub – едукативна платформа за работа со електронски услуги.
Во рамките на овој резултат ќе се развие E-learning Hub – едукативна платформа за работа со електронски услуги, која ќе биде повеќејазична платформа, на бугарски, македонски и романски јазик. Платформата ќе ги интегрира резултатите од проектот и ќе обезбеди едукативна содржина и можност за практична примена и надградба.
Р2 – Видео прирачник за работа со електронски услуги обезбедени од државни институции.
Во рамките на овој резултат ќе се изработи Видео водич кој ќе вклучува 150 анимирани лекции (50 за секоја земја партнер), кој ќе содржи насоки за работа со различни електронски услуги што ги обезбедува државната администрација на соодветната земја.
Р3 – Теренско истражување.
Во рамките на овој резултат ќе се спроведе истражување во сите земји-партнери за да се идентификуваат основните и специфичните електронски ресурси и услуги обезбедени од институциите со кои корисниците се соочуваат со проблеми. Во текот на студиите ќе се анализира и природата на проблемите кои се среќаваат при користењето на електронските услуги.
R4 – Изработка на Прирачник за работа со електронски услуги.
Во рамките на овој резултат, како одговор на потребата од обезбедување на повеќе информации и детални практични совети, прикажувајќи ги чекорите во работењето со различни електронски услуги што ги обезбедува државата, ќе изработиме Прирачник за работа со електронски услуги.